Jurnal haqqında

“Elmi əsərlər” adlı elmi-nəzəri məcmuə 2007-ci ildə təsis olunub. 2011-ci ildən etibarən isə jurnal beynəlxalq standart seriya (ISSN) ilə nəşr olunur. “Elmi əsərlər” elmi-nəzəri məcmuəsi Azərbaycan Respublikası Prezidenti yanında Ali Attestasiya Komissiyasının Rəyasət heyətinin 30 aprel 2010-cu il tarixli iclasında “Azərbaycan Respublikasında dissertasiyaların əsas nəticələrinin dərc olunması tövsiyə edilən elmi nəşrlər”in siyahısına daxil edilmişdir. Jurnal 25 dekabr 2019-cu il tarixində N4278 saylı əmrlə Ədliyyə Nazirliyində yenidən qeydə alınmış və “ADMİU-nun elmi əsərləri” adlanırdırılmışdır: ADMİU reyestrə daxil edilmə nömrəsi

Jurnalın əvvəlki versiyası Kulturologiya və Sənətşünaslıq istiqaməti üzrə məqalələr nəşr edirdi. Hazırda isə Kulturologiya bölməsi elm sahəsi olaraq bütövlükdə çıxarılmış, Sənətşünaslıqla yanaşı, əlavə olaraq, Sosiologiya bölməsi açılmışdır.

Beləliklə, hazırda jurnal aşağıdakı sahələrdə məqalə qəbul edir:

Sənətşünaslıq elm sahəsi

Kino, televiziya və digər ekran sənətləri

Musiqi sənəti

Təsviri sənət, Dekorativ-tətbiqi sənət, İncəsənətin nəzəriyyəsi, təhlili və tənqidi

Teatr sənəti

Muzeyşünaslıq

Sosiologiya elm sahəsi

Sosiologiya

Sosial iş

Jurnal ildə iki dəfə işıq üzü görür. Yalnız 2019 və 2020-ci illər ərzində COVID-19 pandemiyası səbəbindən jurnalın il ərzində yalnız bir buraxılışı çıxmışdır.

2022-ci ildən etibarən “ADMİU-nun Elmi əsərləri” elmi-nəzəri məcmuəsi rəqəmsal axtarış sistemi “Crossref”də qeydiyyatdan keçərək 10.52094 nömrəli DOI  (Dijital Object Identifier) alıb.